Курти: Косово и Северна Македонија немаат несогласувања
Косовскиот премиер Албин Курти рече дека Косово и Северна Македонија немаат несогласувања, но како што рече, имаат широка соработка.
„Дозволете ми да ја започнам оваа средба со нагласување на една важна точка, Република Косово и Република Северна Македонија немаат несогласувања. Имаме отворена комуникација и опсежна соработка. Ние сме соседи, пријатели и партнери, поврзани, не само преку трговијата, која секојпат расте, туку и преку врските меѓу нашите семејства и бизниси, кои се посилни и посилни“, рече Курти.
Тој додаде дека денешната средба има симболично значење и поради 15-годишнината од воспоставувањето на дипломатските односи меѓу двете држави.
Тој рече дека досега се потпишани над 50 договори и меморандуми кои „ни понудиле уште повеќе еден со друг“.
