Во ист ден два подморски кабли исечени на Балтикот
Финската и германската влада доцна синоќа објавија дека е во тек истрага за отсечениот комуникациски кабел со оптички влакна што минува под Балтичкото Море што ги поврзува двете земји, наведувајќи ја загриженоста за клучната инфраструктура.
1.200 километри долгиот оптички кабел минува низ Балтичкото Море од Хелсинки, главниот град на Финска, до германското пристаниште Росток и можеби е пресечен од надворешна сила, соопшти Cinia, финската државна компанија за сајбер безбедност и телекомуникации мрежи.
Кабелот C-Lion1 престана да работи нешто после 2 часот, соопшти компанијата. Во заедничката изјава, финското и германското министерство за надворешни работи изразија „длабока загриженост“ за исечениот кабел и наведоа дека истрагата е во тек.
BREAKING:
The submarine fiber communications cable C-Lion-1 between Finland and Germany has been cut.
It’s the only cable connecting Finland with Central Europe. A vessel has set out to investigate the cause. pic.twitter.com/grynya4BBm
— Visegrád 24 (@visegrad24) November 18, 2024
„Ненадејниот прекин покажа дека кабелот е целосно отсечен од надворешна сила, иако сè уште не е спроведена физичка истрага“, рече извршниот директор на Cinia Ари-Јуси Кнаапила на прес-конференција.
Штетата настанала во близина на јужниот рт на шведскиот остров Оланд, а поправките би можеле да траат меѓу пет и 15 дена, додаде тој.
Шведскиот јавен радиодифузен сервис SVT објави дека шведските власти, исто така, истражуваат оштетување на комуникацискиот кабел меѓу Литванија и Шведска, кој се наоѓа во близина на исечениот кабел.
„Клучно е да се разјасни зошто во моментов имаме два кабла во Балтичкото Море кои не работат“, изјави Карл-Оскар Болин, министер за цивилна одбрана, за телевизијата СВТ.
