Согласно сумираните статистички показатели од УЕФА, македонскиот голман Столе Димитриевски е најдобриот чувар на мрежата во завршената Лига на Нации 2024.
Advertisements
Димитриевски е единствениот голман кој не примил гол на пет натпревари во Лигата на Нации оваа сезона, и тоа сите едноподруго со серија од 531 минута без примен гол. Но, и покрај тоа, македонскиот голман и единствениот чувар на мрежата кој има асистенција, онаа за погодокот на Лирим Ќамили во победата од 0-3 на гостувањето против Летонија во Рига.
Македонија, Лигата на Нациите ја заврши со гол разлика од 10-1, притоа без ниту еден примен гол од игра. Единствениот гол кој го прими националниот тим беше од сомнителен пенал уште во 9. минута на натпреварот против Фарските острови во Торшавн.
