Политичка војна за академијата за судии
Судскиот совет ја продолжува битката за заштита по секоја цена на двете имиња предложени за Управен одбор на Академијата за судии и јавни обвинители и со тоа да ја држи Академијата под контрола. Денеска претседателката Весна Дамева и други членови на советот како Ивица Николовски, Антоанета Димовска и Селим Адеми се протива на одлуката на Државната комисија за спречување на корупцијата, нарекувајќи ја скандалозна и спротивна на законот.
Токму тоа што го вели Дамева е тоа што се оспорува од антикорупцијата. Кандидатите по завршувањето на академијата се предмет на интервјуа за евалуација од страна на специјалната комисија во рамките на Судскиот совет составена од 5 члена. Во овој случај, членови на комисијата можат да бидат и членови на Управниот Одбор на Академијата. Дури и ако не се дел од комисијата, на крајот конечната листа ја гласа советот, додека членовите на одборот кои ја гласаат листата во академијата мора да ја изгласаат и конечната листа во советот. Ова пред две години го оспори членот Селим Адеми, кој гласаше против членовите на советот да бидат во одборот на академијата. Но, овој пат, Адеми се предомисли.
„Кога веќе две години ништо не е направено и никој не го оспорил Управниот одбор и неговите одлуки, сега сум зачуден како да се оспоруваат овие одлуки. Овој пат гласав бидејќи две години не било оспорено. Пред две години, гласав против нашиот член. Овој пат го оправдав мојот глас зошто гласав ЗА“, вели Адеми.
Судскиот совет ги предложи потпретседателот Ханиф Адеми и членот Антоанета Димовска за членови на Управниот одбор на Академијата за судии и јавни обвинители. Комисијата за спречување на корупцијата побара нивно повлекување, но се чини дека Советот го поддржува инсистирањето на ДУИ и СДСМ за задржување на контролата врз академијата од која произлегуваат идните судии и обвинители.
Адриан Керими
