Деменцијата често се занемарува како болест

Во последниве години, бројот на луѓе со деменција или губење на меморијата е зголемен. Стресот е една од водечките причини за деменција, при што луѓето постари од 40 и 60 години се најпогодени.

Advertisements

„Оваа болест што треба да се дијагностицира во најрана фаза е малку потешка, бидејќи самите симптоми што се појавуваат не се толку забележани од самите луѓе, од членовите на семејството. Обично кога пациентите доаѓаат во амбулантата, тие веќе се во подоцнежна фаза на болеста“, рече Теута Далипи, невролог.

Симптомите на деменција полесно ги согледуваат членовите на семејството на пациентот, отколку самиот пациент.

„Првите симптоми се заборавање, кое е краткорочно, односно пациентите не можат да се сетат на настани што се случиле во текот на денот и обично ги повторуваат истите прашања за слична работа што се случила во текот на денот“, додаде Теута Далипи, невролог.

Лекарите велат дека голем дел од граѓаните не се свесни за болеста и обично ја сметаат како дел од староста и на тој начин оваа болест е запоставена. За да се спречи оваа болест, невролозите препорачуваат здрава исхрана, физички активности како што се одење, пливање, лесни вежби и ментални активности како што се читање, решавање крстозбори, учење нови јазици и ментални игри./Алсат.мк

Линда Ебиби