Блискиот исток, Украина и Трамп се на агендата на состанокот на министрите за надворешни работи на Г7

Министрите за надворешни работи на економските лидери на Групата седум (Г7) се состануваат денеска во Италија на дводневна конференција и се очекува да разговараат за војната на Блискиот Исток и Украина, како и за налогот за апсење на Меѓународниот кривичен суд (МКС) за израелскиот премиер.

Advertisements

Неколку арапски министри за надворешни работи повикаа на итен прекин на огнот во Газа и Либан и обезбедување хуманитарна помош за Палестинците. Шефот на италијанската дипломатија, Антонио Тајани, изјави дека групата Г7, со која годинава претседава Италија, бара заеднички став за налогот на Меѓународниот кривичен суд (МКС) за апсење на израелскиот премиер Бенјамин Нетанјаху.