Учениците Албанци од ОУ „Кирил и Методиј“ во Крушево дел од наставата ја одржуваат на македонски јазик
И покрај паралелната наставата на албански јазик, учениците од петто одделение од приградското училиште „Кирил и Методиј“ во Општина Крушево учат три наставни предмети по македонски јазик. Како што ни рекоа самите ученици, по македонски јазик имаат еден час природни науки, техничко образование и информатика, како и физичко образование. Учениците се пожалија на потешкотии по овие предмети, бидејќи сè уште немаат доволно познавање на македонскиот јазик.
Наставникот Ведат Зеќири, вели дека овие курсеви по македонски јазик се одржуваат од почетокот на оваа учебна година. Тој призна дека учениците имаат многу поплаки за овие предмети.
„Поради недостиг на кадар, лани имавме, но оваа година до конкурсот ни рекоа дека ќе се одржат. Тешко им е затоа што од четврто одделение учат на македонски јазик. Во Природните науки имаат директна настава, објаснување, а од друга страна во македонски јазик учат букви. Не можат и буквите да ги учат и да предаваат наука. Тој не ги знае буквите, а им се бара да објаснат/одговараат или да читаат, тешко им е многу“, рече Зеќири.
Гневни се и родителите, кои велат дека веќе неколку пати побарале решение за ова прашање.
„Каква е реакцијата на децата кога се соочуваат со предмет кој треба да биде на албански јазик, додека го учат на македонски јазик, тешко им оди? Многу тешко. Ние сме возрасни и тешко ни е да зборуваме друг јазик. Како да знае македонски, кога учи македонски од четврто одделение, два часа неделно“, вели Сеат Усеини, родител.
Од централното училиште „Кирил и Методиј“ од Општина Крушево за Алсат, велат дека часовите се изведуваат на македонски јазик поради немање соодветна кадар на албански за овие предмети. Според раководството на централното училиште, нов конкурс за овие предмети се очекува да биде отворен во декември, откако Министерството за образование ќе даде согласност за овој конкурс. Во моментов, 44 ученици, од прво до петто одделение, учат во ова приградско училиште.
Мелихате Рустеми
