Мицкоски: Граѓаните да не наседнуваат на провокации

Премиерот и првиот вицепремиер велат дека постојат сили и тенденции кои сакаат да ја дестабилизираат земјата, па младите се манипулираат за да предизвикаат инциденти. Премиерот Христијан Мицкоски вели дека ова нема да биде последен обид за дестабилизација, но ги повикува граѓаните да бидат смирени и да не станат жртви на провокации, и да бидат свесни дека овие обиди се прават затоа што некои поранешни политичари стравуваат од правдата и за милионите што ги присвоиле на сметка на обичното население.

Advertisements

И Изет Меџити, ги повикува граѓаните да се смират и ги уверува дека ќе има одговорност за сите оние кои направиле прекршоци, без оглед дали се обични граѓани, лица во униформа, сквернавење на државното знаме или национално знаме.

„Тука има сили кои сакаат да дестабилизираат. Евидентно беше дека ноемвриските празници беа одбележани како никогаш досега… Ова му пречеше на некого, манипулираше со младите кои со инструкции сакаа да дестабилизираат празникот. Јас велам со голема одговорност дека секој кој го прекршил законот ќе биде изведен пред лицето на правдата. Никој нема да биде одговорен за прославата или подигнувањето на националното знаме или други знамиња, туку сите оние кои го скврнавеле државното или националното знаме„, рече Изет Меџити, прв вицепремиер.

СДСМ, од друга страна, повикува на лидерска средба за безбедносната состојба во земјата. Потпретседателот на оваа партија Методија Илиевски истакна дека ваквата средба со претставниците на сите парламентарни партии ќе испрати порака дека Македонија е и ќе остане држава за сите нејзини граѓани.

Премиерот Мицкоски во моментов не размислува за таква средба, но рече дека доколку СДСМ излезе со аргументи, ќе ја разгледаат оваа можност во наредниот период./Алсат.мк

Ајнур Бафќари