Бојкотот продолжи и денеска, учениците од О.У.Лазо Ангеловски не се на настава
Учениците од основното училиште Лазо Ангеловски и денеска не се на настава заради проблематичниот 8 годишен ученик.
Родителите на учениците кои ја бојкотираат наставата велат дека бараат од Министертвото за образование да се направи стручна анализа на детето и на родителите.
Бараат со детето да работат стручни лица, па откако ќе се добие документ дека неговото однесување се поправило и тоа не е закана за своите соученици и вработените во училиштето, тоа да се врати во редовна настава. Од министертвото за образование велат дека министерствто работи на решавање на случајот со ученикот формирана е интердисциплинарна комисија составена од претставници на министерството, Бирото за развој на образованието, Државниот просветен инспекторат, општината, училиштето и социјалните служби, која се состанува за разгледување и преземање соодветно мерки и активности согласно законската регулатива, во чиј фокус се најдобрите интереси на ученикот, но и на сите инволвирани потенцираат од ресорното министертво.
