Загриженоста на ДУИ, вели премиерот, е за зачувување на криминално стекнатиот капитал. Но, тој најавува дека се работи на многу други случаи поврзани со партиски функционери, покрај случајот со Груби и неговото ставање на американската црна листа.
За случајот на Груби и улогата на обвинителството беше запрашан и амбасадорот на ЕУ во Скопје, Микалис Рокас. Тој, без директен коментар за случајот, вели дека независно и силно судство е услов за членство во ЕУ.
„Важно е судството овде во државата да преземе акција, не само за прашањето што го поставувате, туку за секое прашање за корупцијата во државата. Судството треба да биде независно и зајакнато. Постојат многу препораки од ЕУ, вклучувајќи ги и оние од експертската група каде што имавме 40 препораки, за тоа како да се обезбеди дека судството е зајакнато и да дејствува независно и да ја врши својата работа. Ова е клучен приоритет за пристапот на земјата во ЕУ“, рече Микалис Рокас, амбасадор на ЕУ.
По вклучувањето на поранешниот прв вицепремиер Артан Груби на американската црна листа, ВРЕДИ побара одговорност од партиското раководство на Ахмети, вклучително и од самиот Ахмети./Алсат.мк
Фатлуме Дервиши
