Студентите револтирани поради недостатокот на транспортна линија до Универзитетот „Мајка Тереза“ во Скопје

За студентите на Универзитетот „Мајка Тереза“ и понатаму загрижува недостигот на јавен превоз до универзитетскиот кампус. За овие ученици сеуште нема редовна автобуска линија од страна на Јавното претпријатие. Студентите велат дека трошоците се големи, а недостигот на превоз предизвикува и доцнење на предавања.

Advertisements

„Живееме во близина, но има студенти од Куманово, од Сарај, Арачиново кои имаат потреба бидејќи се далеку. За нас кои живееме во близина, доаѓаме пешки“, рече еден студент.

„Дали патувате со автобус? Не, пеш или со кола. Поради немање автобуси или? Да, затоа повеќе патуваме пешки. Сигурно ви треба линија? Да, се разбира, за оние кои немаат начин да стигнат овде, треба“, додаде еден студент.

На панел дискусијата со првиот вицепремиер Изет Меџити, студентите ја изразија својата загриженост за немањето редовна линија.

„До универзитетот немаме автобуска линија, знам дека ингеренциите се на ЈСП и на Град Скопје и постојано баравме но не добивме позитивни одговори. Што можете да направите за да ни помогнете во овој правец?”

„Тоа е одговорност на Јавното претпријатие на Град Скопје што за жал и кога даваме донации и му помагаме со електрични автобуси преку донација на ЕУ и Министерството за екологија за намалување на аерозагадувањето, не ги користи. „Иако тоа не е наша надлежност, ќе го поддржиме, ќе чекаме уште 7 или 8 месеци додека да се одржат локалните избори и да има нов градоначалник, но дотогаш ќе видиме што можеме да направиме заедно„, рече Изет Меџити – Прв вицепремиер.
По континуираниот револт на студентите да имаат редовен превоз, од Универзитетот „Мајка Тереза“ е испратено барање до ЈСП и Град Скопје, но засега нема иницијатива од претпријатието./Алсат.мк