Земјотрес со јачина од 7,4 степени според Рихтеровата скала е регистриран во островската држава Вануату, во јужниот дел на Тихиот Океан, соопшти Европскиот медитерански сеизмолошки центар (ЕМСЦ).
Земјотресот се случил во 12:47 часот по локално време.
CCTV footage of 7.4 Earthquake in Port Vila, Vanuatu
December 17, 2024 #earthquake #Vanuatu #terremoto #sismo pic.twitter.com/0MJWyhepga— Disasters Daily (@DisastersAndI) December 17, 2024
Епицентарот на земјотресот бил недалеку од Порт Вила, главниот град на Вануату на длабочина од 28 километри.
7.4 Earthquake damage in Vanuatu.
December 17, 2024 #earthquake #sismo #terremoto pic.twitter.com/8n6z0QEaQe— Disasters Daily (@DisastersAndI) December 17, 2024
Направена е голема материјална штета, вклучително и на објект во главниот град Порт Вила, во кој се наоѓа американската Амбасада, заедно со оние на Велика Британија, Франција и Нов Зеланд.
Според податоците на Американскиот геолошки институт (USGS), два часа по овој земјотрес имало уште најмалку четири последователни потреси околу Порт Вила – со магнитуди од 4,7 до 5,5 степени.
Властите во Нов Зеланд и Австралија соопштија дека нема закана од цунами за нивните земји. Австралија, исто така, нагласи дека е „подготвена да го поддржи Вануату додека се проценува обемот на штетата“.
Вануату се наоѓа во сеизмички активно подрачје каде има чести големи земјотреси и други природни катастрофи.
