Обвинителен предлог и акт за изградбата на театарот и библиотеката во Тетово
Обвинителството за гонење на организиран криминал и корупција поднесе обвинителен акт против едно лице и предлог обвинителен акт, против едно правно лице и три физички лица во врска со изградбата на Тетовскиот театар и библиотеката во Тетово. Според Обвинителството, обвинетите манипулирале со документите и правилата на процедурата за поделба на договорот за јавна набавка, и ја злоупотребиле службената должност, со што оствариле корист од над 13 милиони евра.
“…Првообвинетиот С.Ш. како сопственик и управител на обвинетото правно лице, заедно и според претходниот договор со третообвинетиот Х.Ф., и со четвртообвинетиот А.А., претседател на Комисијата за јавни набавки, свесно манипулирал со прописите и деловникот за доделување на договорот за јавна набавка и ја злоупотребил службената положба и овластување. Осомничените, за правното лице се стекнале со бенефиции во износ од над 13 милиони евра“
Искористувајќи исти прилики преземале повеќе временски поврзани дејствија на прифаќање усогласени понуди, времени и завршни ситуации со кои целосно бил променет предметот на договорот што се намалил од договорените 22 позиции и завршување на објектот до фаза „клуч на рака“, во завршување на само 4 позиции во фаза „затворена карабина“ без притоа да има одобрен проект за истото. Воедно, ја зголемувале вредноста на проектот, а за да ја оправдаат склучиле 12 анекси на договорот. Со така склучените анекси, иако постапката била неделива, го поделиле и го измениле предметот на склучениот договор од фаза „клуч на рака“ во фаза – затворена карабина и на тој начин овозможиле во иднина да се водат две нови постапки за јавни набавки и да се доделуваат нови договори за доградба – втора фаза, со што овозможиле корист за потенцијалните економски оператори во дополнителните постапки..
Дополнително, со неизвршување на законските обврски за евидентирање и пријавување на даночни обврски и поради тоа што не изготвиле основен проект на изменета состојба, на штета на Буџетот на РСМ од средствата дополнително одобрени и наменети за проект и јавна набавка на ентериер за театарот, се задолжени и се исплаќаат значителни износи за данок на ДДВ, кој навремено не го евидентирале и пријавиле и од кој би биле ослободени.
Петтообвинетиот, лицето со иницијали Б.М., како главен надзорен инженер кај правното лице, како надзорен орган за реализација на договорот за јавна набавка од 2015-2020 година, иако е променет градежниот проект на оваа зграда, истиот не барал дополнителна сеизмичка анализа и нови статистички анализи, а со неподготвеноста на проектот за одржување и употреба го оневозможиле запишувањето на објектот во јавните книги за недвижности.
Зградата на Театарот и Библиотеката на Тетово, уште во 2014 година започна со многу одложувања и измени на проектот. За сите одолговлекувања, интервенираше и Финансиската полиција која доби голем број документи од Домот на културата, но никогаш не објави извештај за тоа дали имало прекршоци или не.
Башким Сулејмани
