ВЕСТИМАКЕДОНИЈА
Настрада и македонската амбасада во рускиот ракетен напад на Киев
Во серијата ракетни напади што утрово се случија врз главниот град на Украина, настрадала и зградата во која е сместена Амбасадата на Северна Македонија во центарот на Киев, дознава „360 степени“.
Нанесена е поголема материјална штета на објектот и на просториите во кои е сместена македонската амбасада. Во тие моменти никој од дипломатскиот персонал не бил во дипломатско-конзуларното претставништво, со оглед на тоа што нападот се случил рано изутрината.
Advertisements
Македонската амбасада во Киев, како што велат нашите извори, не била директна цел на нападите, туку цел, најверојатно, бил објект во непосредна близина што го користат безбедносно-воени служби на Украина.
Сите членови на македонската дипломатска мисија се добро.
