Премиерот Мицкоски вели дека самиот факт што Груби избегал значи дека тој е виновен за делото за кое се товари
Премиерот Мицкоски вели дека самиот факт што Груби избегал значи дека тој е виновен за делото за кое се товари
Со овие зборови премиерот Христијан Мицкоски го коментира бегството на Артан Груби кој заедно со директорот на Државната лотарија Перпарим Бајрами се недостапни за правдата кои го бараат за злоупотреба на „Државната лотарија“ во износ од над 8 милиони евра.
Потпретседателот на ВМРО-ДПМНЕ, Александар Николоски, не е изненаден од случајот на Обвинителството за злоупотребата на Државната лотарија, додека е убеден дека Груби ќе се соочи со правдата.
Демократската Унија за Интеграција, во која Груби беше на врвот на раководството, прави паралели меѓу Груби и поранешниот вицепремиер Кочо Анѓушев, кој претходно беше ставен на црната листа на САД. Според нив, Анѓушев работи слободно и поради оваа причина се сомневаат во селективна правда.
„Најјасен пример за нецелосна правда е ликот на поранешниот вицепремиер Кочо Анѓушев, кој иако е на црната листа, продолжува да ги одржи своите бизниси „подобро од било кога“, велат од ДУИ.
Груби, вечерта на 15 декември, негирајќи дека избегал од земјава, рече дека отпатувал во приватна посета во странство. Следниот ден, на 16 декември, беше извршен претрес во куќата на Груби, додека во текот на денот Обвинителството соопшти дека отворило истрага за злоупотреба на Државната лотарија, каде што е осомничен Груби. Покрај Груби, во истрагата е вклучен и Перпарим Бајрами кој подолг период не е во земјава. Во истрагата се опфатени и уште четири лица од Секторот за јавни набавки во Државна лотарија, кои останале без пасоши. Полицијата распиша меѓународна потерница за Груби и Бајрами. Груби ја напуштил земјава преку граничната точка Блаце, но не се знае дали неговата последна дестинација било Косово или друга земја./Алсат.мк
Суад Бајрами
