Судењето на поранешниот француски претседател Никола Саркози под обвинение дека примил милиони евра од режимот на соборениот либиски лидер Моамер ел Гадафи за нелегално финансирање на неговата изборна кампања почнува денеска.
Advertisements
По десетгодишна истрага, судот ќе ги сослуша обвинувањата кои во истражниот процес беа окарактеризирани како „корупциски пакт“ меѓу Саркози и либискиот режим, пренесува Фигаро.
Обвинителите тврдат дека посредници донеле куфери полни со готовина во канцелариите на француската влада во Париз за нелегално да ја финансираат победничката претседателска кампања на Саркози во 2007 година.
