Новоизбраниот американски претседател Доналд Трамп, по вчерашната оставка на канадскиот премиер, Џастин Трудо, оцени дека би било добро Канада да се спои со САД и оти „многу луѓе во Канада би сакале“ таа да стане 51-та американска држава.
Трамп на својата социјална мрежа „Truth“ напиша дека САД повеќе не можат да ги издржат големите трговски дефицити и субвенции што ѝ се потребни на Канада за да опстане, велејќи дека Трудо го знаел тоа и затоа поднел оставка.
„Многу луѓе во Канада би сакале да бидат 51-та држава. Соединетите Американски Држави повеќе не можат да ги толерираат големите трговски дефицити и субвенции што ѝ се потребни на Канада за да опстане. Џастин Трудо го знаеше ова и поднесе оставка. Ако Канада се спои со САД, ќе нема тарифи, даноците би биле многу пониски, а тие би биле потполно безбедни од опасностите на руските и кинеските бродови кои постојано ги опкружуваат. Каква голема нација би биле заедно!!!“, напиша Трамп.
