Молк во Европскиот фронт по неуспехот на интерпелациите
Молк во Европскиот фронт по неуспехот на интерпелациите
Сите четири интерпелации поднесени од Европскиот фронт до членовите на Владата не поминаа. Пратениците во Собранието дебатираа до доцна, а обвинувањата против министрите и замениците министри главно се засноваа на случувањата пред, за време и по прославата на 28 ноември.
Иницијативата против вицепремиерот Изет Меџити доби три гласа „за“ и 64 „против“.
„Интерпелацијата – лага во која тие самите не веруваа“, рече Изет Меџити, вицепремиер.
Пропадна и интерпелацијата против министерот за внатрешни работи Панче Тошковски. Тој ја сметаше иницијативата за обид за дефокусирање на јавноста.
На иста линија беше и реакцијата на вицепремиерот Иван Стоилковиќ.
Интерпелација имаше и против заменик министерот за внатрешни работи Астрит Исени, која исто така не помина.
Европскиот фронт не се огласи по неуспехот на интерпелациите.
Седницата вчера почна со расправа за интерпелацијата на Левица за претседателката на Комисијата за социјална политика Илире Даути, која беше единствената што беше изгласана./Алсат.мк
Фатлуме Дервиши
