Пожар во хотел во ски-центар во Турција – десет лица загинаа, 32 се повредени
Најмалку 10 лица се загинати, а 32 се повредени во пожар што избувнал во хотел во ски-центар во Турција.
Според турскиот министер за внатрешни работи, Али Јерликаја, пожарот избувнал во 3.30 часот наутро на четвртиот кат од 11-катен хотел во Карталкаја, во северозападна Турција.
Според гувернерот на провинцијата Болу, каде што се наоѓа ски-центарот, Абдулазиз Ајдин, во хотелот во моментот на несреќата престојувале 234 гости.
Тој во изјава за државната новинска агенција Анадолу вели дека две од жртвите починале откако во паника скокнале од зградата.
#BREAKING At least 234 guests at Grand Kartal Hotel in Kartalkaya in Bolu, Turkey where fire broke out, governor says. At least 10 dead, 32 injured. #Bolu #Kartalkaya #Turkiye #Fire pic.twitter.com/DIZWM1u8EB
— 𝐉𝐨𝐮𝐫𝐧𝐚𝐥𝐢𝐬𝐭 (@HamdiCelikbas) January 21, 2025
Приватната телевизија НТВ објави дека некои луѓе се обиделе да се спуштат од своите соби користејќи чаршафи.
Од видеата и фотографиите објавени на социјалните мрежи може да се види дека во хотелот гори покривот и горниот кат.
