Европскиот фронт обвинува за деградирање на Охридскиот договор

Тоа што во работната група за новиот Закон за Судски совет има само еден Албанец, а за новиот Кривичен законик ниту еден е уште еден пример за континуираната маргинализација на Албанците во одлучувањето, велат од Европскиот фронт. Реакцијата доаѓа веднаш откако Министерството за правда ги објави имињата на членовите на двете работни групи за двата закони кои се сметаат за клучни за реформите во правосудството.

Advertisements

„Овој процес на исклученост и моноетнички редизајн на институциите е алармантен. Оваа тешка ситуација е директен резултат на тоа што имаме влада со моноетнички легитимитет и на тоа што Влен стана инструмент за агендата на ВМРО-ДПМНЕ која има за цел да го деградира Охридскиот договор и државотворниот статус на Албанците во земјата. Овој процес е продолжение на опасниот тренд што се случува во институциите, каде Албанците се исклучуваат од процесите на одлучување и се загрозува етничкиот баланс на државата“, велат од Европски фронт.

Од ВЛЕН признаваат дека овие два закони се важни и велат дека ќе направат напори да се обезбеди етничка застапеност на експертите кои ќе ги изготват.

„Нашето инсистирање ќе биде да има застапеност во овие тела иако судскиот систем е независен во своето функционирање. Многу е важно оние експерти кои ќе бидат во работните групи да произведат закони кои квалитативно ќе овозможат борба против криминалот и корупцијата, но важно е и етничкото прашање. Поради оваа причина, ВЛЕН ќе биде внимателен и ќе се обидеме да обезбеди и овие работни групи да бидат соодветно составени“, рече Дритон Сулејмани, ВЛЕН.

Работната група за Законот за судски совет брои 11 члена, од кои само еден Албанец Работната група за новиот Кривичен законик брои 7 члена, од кои ниту еден Албанец

Закон за судски совет
1. Мирјана Лазарова Трајковска, судија
2. Денис Прешова, професор
3. Александра Деаноска Трендафилова, професорка
4. Александар Камбовски, претседател на Судски совет
5. Артион Ала, член на Судски совет
6. Зоран Герасимовски, судија
7. Исмета Амет, судија
8. Ивана Петковска, експерт, Блупринт
9. Јелена Кадриќ, експерти, Блупринт
10. Александра Цветановска, советничка на министерот
11. Николина Миќеска Костадиновска, Министерство за правда

Кривичен законик
1. Александра Деаноска Трендафилова, професорка
2. 2. Цветанска Периќ, судијка
3. Елвин Вели, обвинител
4. Даниела Алексовска Стојановска, судијка
5. Владимир Туфегџиќ, адвокат
6. Жарко Хаџи-Зафиров, експерт, Блупринт
7. Никола Прокопенско, Министерство за правда./Алсат.мк

Фатлуме Дервиши