Студентите ја поминаа ноќта на Автокоманда, една од главните раскрсници во Белград, која до 10 часот утрово ќе остане блокирана, пренесуваат српските медиуми. За утрово најавија акција за чистење, по што се очекува протестот да заврши.
Advertisements
Од вчера од 10 часот почна еднодневната блокада на оваа раскрсница, како дел од протестите кои изминатите месеци се случуваат во Белград, а на кои студентите бараат од српските власти да ги исполнат нивните барања во врска со уривањето на натстрешница во Нови Сад, при што загинаа 15 лица, а две беа тешко повредени.
Како што е најавено на Инстаграм профилот „Студентите на блокада“, за утрово е најавена акција за расчистување кај Автокоманда, која ќе трае до 10, кога е планирано да заврши протестот.
