За петок е најавен бојкот на сите маркети од страна на граѓаните поради високите цени на производите. На социјалните мрежи групи од оваа иницијатива апелираат до граѓаните да не пазаруваат во петок од маркетите бидејќи, како што велат, сакаат да испратат јасна порака за драстично поскапување од страна на продавачите.
Граѓаните во петок ја поддржуваат иницијативата за бојкот. Сепак, според нив, иако посакуваниот ефект нема да се постигне за само еден ден, доволно е да се испрати пораката до трговците кои, како што велат, се збогатуваат и ги осиромашуваат граѓаните на кои им ги празнат џебовите.
Со овој стандард, платата што ја добиваме и цените што ги плаќаме, далеку сме. Ние сме најсиромашни на Балканот.
Иницијативата за бојкот е поддржана и од политичарите. Уште погласна е власта. Министерот за економија и труд Бесар Дурмиши во објава напиша дека ги поддржува граѓаните за бојкот, обвинувајќи ја претходната власт која според него ги толерирала трговците кои преку нереално поскапување се збогатувале на сметка на граѓаните. Иницијативата за бојкот на супермаркетите беше објавена на социјалните мрежи, по примерот на Хрватска, каде супермаркетите останаа празни, а трговците беа принудени да ги намалат цените .Повеќе земји во регионот, исто така, најавија бојкот за петок.
Авни Тахири
