Намалените казни за сообраќајни прекршоци не доведоа до подобрување
Намалените казни за сообраќајни прекршоци не доведоа до подобрување
Со цел да се намали бројот на сообраќајни прекршоци, во 2021 година Владата предводена од СДСМ и ДУИ спроведе законски промени во законот за безбедност на сообраќајот, поставувајќи казна од максимум 250 евра, освен како што е објавено, за прекршоци кои ги загрозуваат животите. Така што, не пропуштањето на пешаците на пешачки, казната од 300 падна на 250 евра. Поминување на црвено, од 300 евра беше намалено на 250 евра. Возењето без возачка дозвола, од 300 исто така се намали на 250 евра. За возење под дејство на алкохол, казните сега се движат од 225 до 375 евра, во зависност од количината на алкохол пронајден кај престапникот.
Покрај намалувањето на казните, граѓаните ја изгубија можноста да ги конвертираат казните во негативни поени, кои претходно се евидентираа на посебна картичка, а исто така беа укинати и мандатните казнени налози. Со новиот закон, сите казни се изрекуваат со казнени налози за прекршок.
Сепак, висината на казните не влијае врз однесувањето на возачите. Според портпаролот на Републичкиот совет за безбедност во сообраќајот, Дејан Андоновиќ, за најголемите прекршоци како што се непочитување на сообраќајните знаци, пребрзо возење и управување со возило под дејство на алкохол, не смее да има толеранција.
Андоновиќ апелира до сите возачи да бидат што повнимателни.
Дебатата за потребата од заострување на мерките се појави откако 20-годишниот Васил Јованов, без возачка дозвола, непочитувајќи ги сообраќајните знаци, не почитувајќи ја предвидената брзина и во алкохолизирана состојба ја усмрти 22-годишната Фросина која преминувала улица на пешачки премин. Овој трагичен настан предизвика револт кај граѓаните, кои бараат построги мерки против „дивјаците“ во сообраќајот./Алсат.мк
Зекирија Хаџиу
