Мицкоски: Да се искорени менталитетот на судиите и обвинителите

Треба да го искорениме криминалниот менталитет од судството – не треба да измислуваме топла вода, само треба да се трудиме. Премиерот Мицкоски беше остар во интервјуто во рамките на Атлантскиот совет, нагласувајќи дека мора да се стави крај на именувањата на обвинители и судии од криминализирани политичари.

Advertisements

За начинот на постигнување на оваа реформа, Мицкоски рече дека извештајот за евалуација од Европската комисија е јасен и доволен за да се обезбеди освежување на редовите на обвинителите и судиите, притоа правејќи паралели со добрата работа што ја вршеле неговите луѓе во општините, кои до денес, како што ретко на Балканот, не биле вклучени во корупциски афери.

„Има извештај за евалуација напишан од експерти на ЕУ во кој е наведено она што треба да го направиме, само да го спроведеме и, второ, ние самите да се држиме подалеку од корупција. На пример, нашата влада функционира речиси 8 месеци, а нема ниту едно обвинение за криминал или корупција – нешто ретко на Балканот. Нашите градоначалници сега се во четвртата година од мандатот и за сето ова време против нив не се поднесени никакви пријави за криминал или корупција. Со давање личен пример, испраќаме јасна порака: држете се настрана од криминал и корупција“, рече Христијан Мицкоски, премиер.

Шефот на владата им објави отворена војна на двата совета на обвинители и судии во земјава, по серијата скандали кои излегоа на виделина со поткупот, но и влијанието на поранешниот вицепремиер Артан Груби кај судијата Енвер Беџети, за застарување на случаите на поранешниот шеф на тајната служба Сашо Мијалков, што пак беше причина двајцата да се најдат на црната листа на САД. Во процедура е и предлогот на Министерството за правда за разрешување на главниот јавен обвинител Коцевски. Во меѓувреме, како што објавија медиумите, судскиот систем исто така стана сфера за вработување на членови на семејствата на политичарите. Во моментов довербата во судството во земјава е 2%./Алсат.мк