Според последните прелиминарни резултати од парламентарните избори во Германија, најмногу гласови освоиле демохристијаните на Фридрих Мерц (ЦДУ/ЦСУ), за кои гласале 28,52 отсто од избирачите, што им носи 208 места во Бундестагот, објави весникот „Билд“.
На второ место по бројот на гласови е десничарската Алтернатива за Германија (АфД) на лидерката Алис Вајдел, која доби 20,80 отсто од гласовите и 152 местa во германскиот парламент, додека социјалдемократите на Олаф Шолц се на трето место со 16,41 отсто од освоените гласови, што им носи 120 пратенички места.
Според последните прелиминарни резултати, Зелените освоиле 11,61 отсто од гласовите, што им дава 85 места во германскиот парламент, a Левицата освоила 8,77 отсто од гласовите и 64 пратенички места.
Германскиот канцелар Олаф Шолц соопшти дека нема да биде во идната германска влада, ниту ќе учествува со Социјалдемократите (СПД) во преговорите за нејзиното формирање, кои би ги воделе демохристијаните (ЦДУ/ЦСУ).
