Анкетната комисија за слободите и правата на граѓаните треба да расправа за аерозагадувањето

Во Собранието за денеска е закажана седница на Постојната анкетна комисија за слободите и правата на граѓаните, на која, според најавата од веб страницата на Собранието, треба да се одржи надзорната расправа за аерозагадувањето.

Advertisements

Таа е закажана иако претходно претседателот на Собранието донесе одлука ваква надзорна расправа да се одржи во Комисијата за здравство затоа што не биле испочитувани процедураните правила во Анкетната комисија за слободите и правата на граѓаните.

Според информациите од веб страницата на Собранието, седницата на Анкетната комисија е закажана за во 11 часот, за кога е закажана и прес конференција на претседателот на оваа комисија, Димитар Апасиев.