Советот за безбедност на ОН ја усвои резолуцијата на САД за војната во Украина, коспонзорирана и од Македонија
Советот за безбедност ја усвои резолуцијата на САД со 10 гласа „за“, додека Франција, Велика Британија, Данска, Грција и Словенија беа воздржани. Русија гласаше „за“, откако не успеа да ги измени и да стави вето на европските предлози за додавање наратив што ја поддржува Украина.
Резолуциите на Советот за безбедност се сметаат за обврзувачки за сите држави-членки на ОН, според членот 25 од Повелбата на Обединетите Нации, додека резолуциите на Генералното собрание не се обврзувачки. Сепак, резолуциите на Генералното собрание имаат политичка тежина, одразувајќи го глобалниот поглед на војната.
Претходно, во понеделникот, САД не успеаја да го убедат Генералното собрание да ја усвои истата резолуција од три параграфи, усвоена од Советот за безбедност. Предлог-резолуцијата на САД пред Генералното собрание на ОН, беше коспонзорирана и од Македонија.
Кратката резолуција ја одразува промената на американската политика за Украина од страна на Трамп по преземањето на функцијата минатиот месец и неговиот попомирувачки став кон Русија. Спротивно на тоа, администрацијата на поранешниот претседател Џо Бајден ги предводеше напорите во Обединетите нации за поддршка на Украина во текот на војната.
