Норвешка треба да избегне повторно да го покренува прашањето за потенцијално членство во ЕУ во време на зголемени геополитички тензии бидејќи ризикува само да донесе повеќе поделби во општеството, изјави денеска норвешкиот премиер Јонас Гар Сторе.
„ЕУ е политички многу важна и ние би сакале многу блиско партнерство со неа, но Норвешка веќе двапати гласаше за членство во Унијата“, изјави Сторе за Блумберг, мислејќи на референдумите одржани во 1972 и 1994 година, кога граѓаните се изјаснија против полноправно членство во Унијата.
Според него, ова прашање носи големи поделби и поларизација во општеството, а моменталниот момент не е таков да е потребно, бидејќи треба да се стремиме кон единство.
Норвешка не е земја членка на Европската унија (ЕУ). Сепак, таа е поврзана со Унијата преку нејзиното членство во Европската економска област.
Извор: Financial Post
