Партиски калкулации за локалните избори-кои се фаворитите

Премиерот Христијан Мицкоски, во пресрет на подадената рака од опозицискиот лидер Венко Филипче за соработка на локалните избори во октомври, бара општествена поддршка за кандидатите на владејачката коалиција ВМРО-ДПМНЕ, ВЛЕН и ЗНАМ.

Advertisements

Орце Ѓорѓиевски и Златко Перински се двете најозборувани имиња веќе неколку месеци како можни кандидати на ВМРО-ДПМНЕ за градоначалник на Град Скопје. Мицкоски вели дека досега никој од нив официјално не покажал интерес.

Лидерот на СДСМ Венко Филипче синоќа истакна дека имињата на кандидатите на СДСМ кои ќе се кандидираат за градоначалници ќе бидат познати до средината на април.

Во принцип е валидно да се излезе со кандидати каде во моментов водат партиите, но се уште нема конечна одлука. Дритон Селмани за Алсат вели дека разговорите меѓу партнерите се почнати и се обидуваат да ги изберат најдобрите кандидати.

„Коалицијата ВЛЕН започна разговори за претстојните локални избори, во кои наш интерес и став е да се здружиме на овие избори и да донесеме промени, исто како што ги донесовме на последните парламентарни избори. Не можам точно да кажам кога се очекува нивниот епилог“, рече Дритон Сулејмани, ВЛЕН.
Опозициската ДУИ останува нејасна како ќе се натпреварува на изборите во октомври, со оглед на тоа што нејзиниот лидер Али Ахмети претходно изјави дека доколку Уставниот суд влијае на Законот за употреба на јазиците, нема да има локални избори. Ова во јавното мислење беше протолкувано како можна опција за бојкот, за што се уште нема потврда од интегративците./Алсат.мк

Суад Бајрами