Владата реагира на запирањето на изградбата на пругата од Бугарија

Владата е незадоволна од одлуката на бугарската влада да ги повлече средствата наменети за реконструкција на делови од пругата кои се дел од железничкото поврзување со Македонија во рамките на Коридорот 8.

Advertisements

Министерот Николовски упати писмо до Делегацијата на ЕУ, Европската транспортна алијанса, Европската инвестициска банка и Европската банка за обнова и развој, во кое се вели дека доколку не се искористат 350-те милиони евра наменети за железничкото поврзување со Бугарија во рамките на Коридорот 8, ќе треба да се платат пенали. Владата се надева дека дијалогот ќе продолжи, не сакајќи да прејудицира што ќе се случи со овие средства доколку нема договор со Бугарија за изградба на пругата.

Бугарската влада вчера одлучи да ја одложи модернизацијата на делниците Софија-Перник и Перник-Радомир, кои се дел од железничкото поврзување со земјата во рамките на Коридорот 8. Софија соопшти дека ќе ги пренасочи средствата за изградба на пругата од Софија до Бургас./Алсат.мк

Фатлуме Дервиши