Осуммина пациенти од КАРИЛ денес заминуваат на лекување во странство

Лекарите утрово известија дека состојбата на пациентите повредени во пожарот во Кочани сместени во нивните клиники е под контрола, но поради природата на повредите, особено труењето со штетни гасови, можни се компликации во наредните денови. Кај пациенти сместени на Клиниката за анестезија, реанимација и интензивно лекување (КАРИЛ) забележале знаци на влошување и за нив денес се планира трансфер во странство.

Advertisements

„Сите ни се стабилни, има пациенти со знаци на влошуваат, но не се во тешка состојба. Ги планираме за транспорт. Денес продолжуваме со транспортирање уште осуммина пациенти. Ќе заминат во Словенија, Полска, Австрија, Италија и во Хрватска“, рече директорот на Клиниката за трауматологија, Игор Мерџаноски.