Нови снимки од пожарот во дискотеката „Пулс“ ги покажуваат недостатоците на локалот
Новите снимки што кружат на социјалните медиуми од моментот кога толпата на ноќниот клуб „Пулс“ се евакуира од пожарот, ги потврдуваат сомневањата дека недостатокот на план за евакуација и резервен излез се главните причини за големиот број жртви.
Овој приказ докажува дека клубот функционирал со еден влез-излез и врата за итни случаи која била затворена. Таа била отворено подоцна, но не била користена. Единствено место каде што пишувало „ИЗЛЕЗ“ е главната порта на објектот, а до неа имало тоалети и простор кој служел како канцеларија на одговорните лица. Овој додаток немал влезна врата однадвор, барем така се гледа во планот. Влезната врата била од внатрешноста на објектот каде што функционирал клубот.
Објектот каде што функционирал ноќниот клуб Пулс е изграден во 1999 година. Првиот план на местото каде што животот го загубија 59 лица не бил таков, но со текот на годините се менувал. Функционирал како фабрика за текстилни производи, а од 2016 година и официјално станува ноќен клуб. Во јавните податоци во Катастар објектот е околу 470 метри квадратни. Во однос на просторот, клубот требало да има најмалку 10 противпожарни апарати. Дополнително, според Обвинителството, објектот немал ниту хидрант, ниту алармен систем.
АЛСА
