Таравари: 16 пациенти денеска се пуштаат на домашно лекување, покритични 4 пациенти згрижени во странсство

Вкупно 16 пациенти коишто се лекуваат во државава денеска се испишуваат од болница и се упатуваат на домашно лекување, информираше министерот за здравство Арбен Таравари. Како што додаде тој, во текот на оваа недела се очекува 8 од пациентите коишто се лекуваат во странство да бидат пренесени во болниците во Македонија.

Advertisements

„Минимум престојот ќе биде ден до два и потоа ќе бидат пуштени дома. Нема да оставиме ништо на случајност. Во моментот 4 пациенти се покритични од тие што се лекуваат надвор од државата“, рече Таравари.