Израел ненадејно ја нападна Сирија: Целосно уништени воздухопловна база и аеродром во срцето на земјата
Израелската војска синоќа започна воздушни напади врз сириските градови Дамаск, Хомс и Хама, а цел беа истражувачки центар и воени локации.
Израелскиот напад го погоди Центарот за научно истражување во резиденцијалната област Барзех во сирискиот главен град Дамаск, при што беа ранети неколку луѓе. Израелската војска ја нападна и воздухопловната база Хама во централна Сирија, гаѓајќи ја нејзината инфраструктура, додека дроновите продолжија да летаат над градот. По израелските воздушни напади, службите за итни случаи веднаш се упатиле кон аеродромот. Имало извештаи за жртви, вклучително и мртви и ранети.
Израелските сили гаѓаа складишта со оружје и муниција, како и воени авиони во воздухопловната база Хама. Нападите беа насочени и кон возила во близина на аеродромот и воени позиции вдолж патот Мисјаф-Хама, соопштија локални извори додавајќи дека бројот на израелските воздушни напади надминал 15, а базата сега е опишана како речиси целосно уништена.
Во Хомс, локалните медиуми објавија дека имало силни експлозии во близина на воениот аеродром Т4 во предградието на Хомс, кој израелскиот Канал 12 го наведе како една од целите.
