Може да пропадне иницијативата на Европскиот фронт

Може да пропадне иницијативата на Европскиот фронт за формирање на специјална собраниска комисија која ќе го истражи, како што рекоа, селективниот и едностран пристап на правосудниот систем по трагедијата во Кочани, кој, според нив, е контролиран од власта. На Европскиот фронт му недостигаат уште два потписи од дваесет колку што се потребни за формирање на таква комисија. Во оваа комисија се очекуваше да учествуваат претставници на ОБСЕ, претставници од амбасадите на САД и други земји од ЕУ. Втората опција на Фронтот е да се отвори надзорна расправа во собраниската комисија, за што се потребни 15 пратеници.

Advertisements

Пратениците на Левица нема да ја поддржат иницијативата на Фронтот за анкетна комисија и ја нарекуваат неуставна. Во меѓувреме и Левица покрена иницијатива за надзорна дебата, исто како и Европскиот фронт, но Левица во моментов има само шест потписи.

Прашан за проширувањето на истрагите против трагедиите од последните години, кои предизвикаа многу сомнежи, премиерот Мицкоски предлага во анкетната комисија на Фронтот да се отвори расправа и за „Ласкарце“, „Беса транс“ и „Модуларна болница“.

Бидејќи не собра дваесет потписи за анкетната комисија, Европскиот фронт поднесе иницијатива до комисијата за политички систем и односи меѓу заедниците за одржување надзорна расправа. Од Фронтот се сомневаат дека во истрагите имало тенденција за селективен пристап, бесмислено фокусирање на поранешни функционери, политичко влијание врз истражните органи, недоволна транспарентност и неинволвирање на одговорните лица. Дебатата ќе се води за улогата на МВР, инспекциските служби, спроведувањето на законот и транспарентноста./Алсат.мк

Зекирија Хаџиу