Политичарот со кривична поради говор на омраза кон Албанците назначен за директор на Националната агенција за европски образовни политики и мобилност
Петар Богојески, политичарот со кривична пријава за говор на омраза кон Албанците, со навредливи објави и анализи за историјата на Албанците и нивните интелектуални способности, е избран за нов директор на Националната агенција за европски образовни политики и мобилност. Веста тој лично ја соопшти на социјалните мрежи. Според него, одлуката ја донел Управниот одбор на агенцијата, преку јавен повик.
„Со посебна чест и одговорност ве известувам дека ја прифатив Одлуката на Управниот одбор на експертите на Националната агенција за европски образовни програми и мобилност, со која преку јавен повик сум избран на позицијата Директор на оваа важна национална институција“, наведе Богојески.
Алсат ја праша Владата за ингеренциите на извршната власт при изборот на директорот на оваа национална агенција, како тој бил предложен и кој го толерирал неговиот избор. До овој момент не добивме одговор.
За ставовите на Богојески претходно информираше и Алсат. Некои од неговите објави на социјалните мрежи се исполнети со говор на омраза, што претставува кривично дело според Кривичниот законик:
„Албанецот може само… за ништо друго не е способен.“
„Македонската култура е толку супериорна, што и Албанците сакаат да бидат Македонци.“
„Се разбира, ѕверовите на Енвер Хоџа не разбираат поинаку.“
„Албанците директно ја уништуваат НАТО.“
„Насилна албанизација на централна Македонија во соработка со македонски слуги.“
„Албанскиот етнички шовинизам е изграден врз лажен мит за наводно автохтоно илирско потекло и некаква победа во 2001 година.“
„Албанскиот етнички шовинизам ги надмина сите граници, директно ја загрозува европската иднина и стабилноста на НАТО.“
Во екот на стравот и неизвесноста по исчезнувањето на 15-годишната Вања Ѓорѓиевска, Богојески наговестуваше дека таа била киднапирана од лица од Косово, давајќи ѝ на настанот етнички конотации.
Минатата година тој беше тужен од ВЛЕН, коалицискиот партнер во владата, за говор на омраза кон Албанците. Лидерот на партијата „Македонски концепт“, коалициски партнер на ВМРО-ДПМНЕ во коалицијата „Твоја Македонија“, осврнувајќи се на Албанците со термин „шиптари“, прашал зошто Албанците гласаат за „нецивилизирани селани“. Богојески одговорил со контратужба за, според него, „нелегалната“ употреба на јазикот и знамето во државата.
Фатлуме Дервиши
