На тезгите на пазарите веќе се појавија и домашните производи, сепак, споредено со увезените, цените се значително повисоки.

На зелените пазари низ земјава почнаа да се продаваат овошје и зеленчук од домашно производство. Иако купувачите повеќе ги преферираат домашните производи, тие имаат двојно повисоки цени од увезените. Она што најмногу паѓа во очи е цената на доматот. Како што велат некои продавачи на пазарот во Бутел, еден килограм домати од Струмица или Кочани чини 120 до 150 денари, додека увезените се околу 60 до 70 денари.

Advertisements

„Најдобриот е 150 денари, поквалитетен. 120 денари е поситен, додека останатите се 150 денари. Купувачите бараат поквалитетно, евтиниот не се троши, го држам само поради купувачите што бараат поевтино. Сега повеќе се бараат краставици, тие се ефтини и брзо се продаваат“, рече еден Продавач.

Продавачите велат дека често работат со загуба поради брзото гниење на овошјето и зеленчукот. Некои од нив се жалат и за неисплатениот надоместок за земјоделските штети од минатата година.

„Не траат, два или три дена – сите се со пестициди, не траат. Често ли работите со загуба?“
– „Често. Спанаќот за два дена веќе овенал. Истото е и со зелената салата – два дена и не држи повеќе“, рече еден Продавач.

Во моментов, на зелените пазари краставиците се продаваат по 50 денари за килограм, морковите по 60–70 денари, млад кромид по 15 денари парче, а лимоните по 100 денари за килограм./Алсат.мк

Мелихате Рустеми