Три титули од Мастерс се освоени од играчи кои никогаш не освоиле титули ?!
За првпат од 1991 година, три од првите четири титули од Мастерс 1.000 турнирите ги освоија играчи кои никогаш претходно не освоиле титули на ова ниво.
Џек Дрејпер победи во Индијан Велс, Јакуб Меншик во Мајами, а сега Каспер Руд во Мадрид. Само Карлос Алкараз беше меѓу фаворитите и го освои Мастерсот во Монте Карло. Никој не очекуваше Британецот и Чехот да освојат толку важни натпреварувања, а Норвежанецот веќе беше заборавен.
Секако, постои изговор дека можеби немаше да биде вака ако Јаник Синер не беше суспендиран, но никогаш нема да знаеме што ќе се случеше ако не беше така. Мастерс серијата е основана во 1990 година, а првите четири титули ги освоија Стефан Едберг (Индијан Велс), Андре Агаси (Мајами), Андреј Чесноков (Монте Карло) и Хуан Агилера (Хамбург).
Во последните две децении, големата тројка владееше со мала помош на Енди Мареј во еден период, па беше речиси невозможно да им се одземе која било од овие титули. Новак Ѓоковиќ е рекордер со 40 трофеи, Рафаел Надал има 36, Роџер Федерер 28, Енди Мареј 14. Од активните тенисери, најуспешен по Ѓоковиќ е Александар Зверев со седум трофеи, а по него следуваат Карлос Алкараз и Данил Медведев со по шест.
