Мицкоски по повод Денот на полицијата: Во оваа држава нема веќе место за врски, непотизам и заштита од одговорност

Премиерот на Македонија, Христијан Мицкоски се обрати на одбележување на Денот на македонската полиција. Истакна дека полицијата не е само униформа и службена должност, туку полицијата е човек.

Advertisements

„Човек што станува порано од сите, излегува на терен и се соочува со ризици од кои сите ние се обидуваме да се заштитиме. Тој човек – полицаецот – не размислува само за својата безбедност, туку и за нашата“, вели Мицкоски.

Во оваа држава, порача, нема веќе место за врски, непотизам и заштита од одговорност.

„Законот важи за сите – без разлика дали се работи за обичен граѓанин, функционер или бизнисмен“, кажа Мицкоски.