Петнаесетти пат по ред, пратениците на Собранието на Косово не успеаја да го состават деветтиот парламентарен состав, по изборите во февруари

Петнаесетти пат по ред, пратениците на Собранието на Косово не успеаја да го состават деветтиот парламентарен состав, по изборите во февруари. Пратениците одбија да формираат комисија која ќе го надгледува тајното гласање за новиот спикер. Во меѓувреме, претседателката на Косово, Вјоса Османи, ги покани политичките лидери на средба во четврток, во обид да се реши застојот во Собранието по изборите на 9 февруари.

Advertisements

Пратеникот од „Ветевендосје“ Хекуран Мурати рече дека ќе ја разгледаат поканата на претседателката за консултативна средба. Тој рече дека за поканата ќе одлучува Пратеничката група на „Ветевендосје“, која ја сочинуваат и партнерите „Гуѕо“ и „Алтернатива“. Шефот на АИК Харадинај рече дека на средбата со претседателката ќе ги слушнат нејзините ставови за решавање на политичката криза. Досега состанокот го потврдија Демократската партија на Косово, Демократскиот сојуз на Косово и Сојузот за иднината на Косово.

„Треба да видиме што одлучила Пратеничката група. Сепак, поканата ќе се разгледа и ќе се види што е, и ќе ве известиме“, рече Хекуран Мурати, Движење Самоопределување.

„Ќе ја сослушаме претседателката, ќе видиме какви ставови има или сугерира. Ако има некој предлог и од нас ќе видиме. Како што знаете, ја чекаме оценката на Уставниот суд за уставноста на случувањата што се случија на рочиштата“, рече Рамуш Харадинај, АИК.