Битолското обвинителство повторно бара замрзнување на 3 милиони евра на компанијата РУД-КОП
Битолското обвинителство повторно бара од судот да одобри одлука за замрзнување на 3 милиони евра од банкарската сметка на компанијата РУД-КОП, поради основани сомненија дека парите се стекнати нелегално во случајот со злоупотреба во термоцентралата „Битола“. Барањето на Обвинителството доаѓа откако Судот во Битола, постапувајќи по жалбата на компанијата, ја замени одлуката за замрзнување на средствата со друга мерка – забрана за користење и продажба на недвижен имот и возила во сопственост на компанијата. Но, со оваа одлука, обвинителството смета дека враќањето на нелегално стекнатите пари е во опасност доколку се докаже кривичното дело. Обвинителството поднесе обвиненија против 10 лица, меѓу кои и поранешниот директор на ТЕЦ Битола, Пеце Матевски, за злоупотреби на тендерските процедури.
