Божиновска: Тешката индрустија да инвестира во зелена инфраструктура

Стратешките инвестиции во зелена инфраструктура го забрзуваат економскиот развој и се клучен дел од патот кон полноправно членство во Европа за земјите од Западен Балкан. На конференцијата за подобрување на зелената инфраструктура во Западен Балкан, министерката за енергетика Сања Божиновска изјави дека тешката индустрија треба да се трансформира во двигател на одржливоста преку интегрирање во инвестиции во инфраструктурата што ќе бидат зелени и долгорочно одржливи.

Advertisements

Според министерот за животна средина и просторно планирање, Изет Меџити, начинот на кој се обликуваат инфраструктурните проекти е многу важен, бидејќи тие влијаат на квалитетот на животот, заштитата на животната средина и отпорноста на климатските промени.

„Дозволете ми да нагласам дека сме целосно свесни за важноста на градењето и адаптирањето на системи за управување со ризици што ќе нè подготват за климатските предизвици, трансформирањето на енергетскиот сектор кон обновливи извори, модернизирањето на земјоделството преку ефикасни системи за наводнување и климатски паметни практики, како и подобрувањето на енергетската ефикасност и сеизмичката отпорност на зградите. Наша обврска и одговорност е да ги вклучиме климатските ризици и активностите за намалување на емисиите на стакленички гасови во сите сектори на развој како дел од визијата за просперитетна, зелена и инклузивна иднина“, рече Изет Меџити– министер за животна средина и просторно планирање.

Денешната дискусија за подобрување на зелената инфраструктура во Западен Балкан ја организираше Институтот за добро управување и политика за животна средина и климатски промени, чија цел е да промовира зелени инвестиции преку нивно интегрирање во стратегиите за животна средина./Авни Тахири