Азир Алиу предлог на ВЛЕН за министер за здравство, Арбен Фетаи во претседателството и вицепремиер за добро владеење
Првиот вицепремиерот и министер за животна средина и просторно планирање Изет Меџити синоќа најави дека на седницата на Централното претседателство на ВЛЕН, Арбен Фетаи ќе биде вклучен во партиското раководство и ќе остане вицепремиер за добро владеење, а Азир Алиу ќе биде нивен предлог за нов министер за здравство по оставката на Арбен Таравари и неговата одлука да замине во опозиција.
Тој кажа дека нивниот предлог за министер за здравство деновиве ќе го поднесат до премиерот Христијан Мицкоски.
-Имаме разговарано, деновиве ќе го предложиме и официјално, рече Меџити на новинарско прашање дали досега е разговарано со претседателот на Владата за тој предлог.
Азир Алиу е поранешниот министер за информатичко општество и администрација и е дел од Алијансата за Албанците која останува во коалицијата „ВЛЕН“.
