Судир помеѓу ВЛЕН и ДУИ за градбите во Чаир и Сарај
Судир помеѓу ВЛЕН и ДУИ за градбите во Чаир и Сарај
Судирите меѓу албанските партии продолжуваат во врска со нелегалните градби во Чаир и Сарај. Коалицијата ВЛЕН ја повикува градоначалничката на Градот Скопјe, Данела Арсовска, да не го штеди, како што велат, својот бизнис партнер од редовите на ДУИ и да излезе на терен за да ги види сите незаконски објекти во Сарај. Доколку продолжи молчењето на Арсовска и одговорните институции, оваа коалиција најавува мерки.
„Госпоѓо Арсовска, оваа зграда е изградена во Сарај, кој е сопственик на истата зграда, на кое земјиште е изградена зградата, дали оваа зграда му припаѓа на вашиот деловен партнер и дали е формално регистрирана како туѓа сопственост.. објавување на сите локации во Скопје, каде што компании и луѓе од кланот на ДУИ градат и граделе и поседуваат згради без дозвола, доколку градоначалничката и одговорните институции продолжат да молчат, ќе ги искористиме сите законски и демократски механизми за заштита на интересите на граѓаните“, изјави Мухамед Елмази, ВЛЕН.
Демократската унија за интеграција продолжува да се фокусира на општина Чаир.
„Во општина Чаир, изградбата на над 150 згради без дозволи, без статички и сеизмички стандарди и без никаква институционална контрола, претставува не само урбан криминал и сериозен ризик за граѓаните, туку и средство за политички притисок врз лидерите на овие партии кои Мицковски ги претпочита, кои сега станаа послушни алатки на антиевропската и антиалбанската агенда на Владата“, велат од ДУИ.
На судирите меѓу партиите им претходеа обвинувања и контраобвинувања меѓу градоначалничката на Градот Скопјe, Данела Арсовска, и градоначалникот на општина Чаир, Висар Ганиу. Арсовска неодамна излезе со обвинувања дека во Чаир со години се одвива незаконска градба. Првиот човек на општина Чаир, Висар Ганиу, ги отфрли овие обвинувања,најавувајчо воедно и за тужба за клевета против Арсовска.
Ајнур Бафќари
