Кумановската болница, една од најголемите здравствени установи по Универзитетската клиника во Скопјe, нема анестезиолог

Долги часови чекање за добивање медицинска услуга, лоши хигиенски услови, непочитување од лекарите, чекање со месеци за снимање, се дел од проблемите со кои се соочуваат граѓаните во Кумановската болница. Тие велат дека нема соодветен лек, бидејќи корупцијата е голема, додека се надеваат дека нема да се разболат за да избегнат доаѓање во болниците.

Advertisements

„Има разни проблеми, од хигиена, од персонал…. хигиената мора да се подобри бидејќи е болница…Ги гледам ходниците, нема каде да влезете и излезете, инаку мора да има подобрување. Куманово со 100 илјади жители е голема општина, тоа е катастрофа во споредба со бројот на население со болничкиот персонал, тоа е катастрофа.. ова не е добро, општина со 100 илјади жители и со ниско ниво на персонал не можам ни да го замислам ова“, рече еден граѓанин.

„Со какви проблеми се соочувате кога доаѓате овде? Кај лекарите, морам да чекаме, не работат, треба да чекаме ред. Денес чекав три и пол часа. Зошто? Затоа што не зборувам, не знам добро македонски… Не знам македонски, од Косово сум, роден сум во општина Гњилане“, рече еден граѓанин.

Дополнителен проблем за функционирањето на болницата останува недостатокот на анестезиолози. Според директорот на болницата, Сашо Стошевски, се работи на наоѓање решение. Неколку дена се обидувавме да го добиеме неговото мислење за проблемите со кои се соочува институцијата. Стошевски немаше време.

Директорот одговара со молчење на поплаките за неправилности во Кумановската болница, недостатокот на услови, медицински персонал и соодветни услуги. Два дена избегнува да се соочи со нас, не давајќи објаснувања зошто не може да се изјасни.

Во врска со недостатокот на анестезиолози, Стошевски кратко одговори дека таков проблем не е само во Кумановската болница, додека во врска со проблемите на кои се жалат граѓаните, рече дека не е вистина./Алсат.мк

Линда Ебиби