Научници: Јуни стана новиот јули, летото доаѓа сè порано и порано

Топлиот бран што ги зафати Канада, САД и Европа во последните денови пристигна многу порано и е дел од поширок тренд поврзан со климатските промени што го претвори јуни во нов јули, покажуваат најновите научни податоци.

Advertisements

Како што е објавено, ова го продолжи периодот на потенцијално опасни и екстремни временски услови во текот на летото, кој сега започнува порано во јуни и трае подолго во септември, објавува Вашингтон пост.

Директорот на Европската служба за климатски промени „Коперникус“, Карло Буонтемпо, истакна дека летниот период дефинитивно е продолжен.