Пожарот во областа Цигунас се приближил до населбата Антискари во Месара, во општина Фестос, поради што властите издале наредба за евакуација кон градот Лентас, објави весникот „Катимерини“.
Во гаснењето на пожарот учествуваат 48 пожарникари со 17 возила, како и пешадиска екипа.
🔥Un gran #IncendioForestal asola la isla de Quíos, en #Grecia. Diecisiete pueblos tuvieron que ser evacuados. También se vio afectado un centro de acogida de inmigrantes.
Las autoridades sospechan que el fuego fue provocado.#VideosLaJornada #DW pic.twitter.com/kkke2lsRcw
— La Jornada (@lajornadaonline) June 25, 2025
Ангажирани се два хеликоптера и цистерни за вода од околните општини.
Според локалните медиуми, неколку домаќинства, населби и оранжерии во областа се во опасност.
Во меѓувреме, на островот Хиос, пожарникарите се борат со ново жариште на планината Провата, северно од селото Лити.
Пожарот повторно се разгоре утрово, а пожарникарите, со помош на воздухопловните сили, се обидуваат да го локализираат.
Хиос останува во вонредна состојба откако повеќе од 47.700 хектари земја изгореа во големи пожари минатата недела, според службата Коперникус на Европската Унија.
Шефот на противпожарната служба на островот, Ставрос Капеларидис, беше примен во болница со симптоми на дехидратација и исцрпеност, соопштија локалните власти.
