Вработените во Инспекторатот за употреба на јазиците во рок од еден месец ќе почнат да ги добиваат заостанатите плати
Вработените во Инспекторатот за употреба на јазиците во рок од еден месец ќе почнат да ги добиваат заостанатите плати
Институциите преземаат активности за усогласување на статусот на Инспекторатот со неодамнешните законски измени кои беа изгласани во Собранието, со цел деблокирање на работата на Инспекторатот и давање на плати кои работниците ги немаат добиено 6 месеци. Согласно последните измени, на Инспекторатот му се одзема квалификацијата правно лице, а истото се става во директна надлежност на Министерството за правда.
Согласно овие измени, Инспекторатот треба да ги промени печатите, вработените треба да добијат нови договори за работа, а ќе треба да се направи и адаптација на целата административна документација, поточно правниот сектор на овој инспекторат и неговото функционирање со другиот правен сектор на Министерството. Исто така, во рамките на законот, се очекува да се решат деталите за набавките на инспекторатот, за што ќе биде потребен потпис од министерот, а не од директорот како досега.
Според динамиката на усогласување, се очекува заостанатите плати да бидат платени во рок од еден месец.
Кризата со инспекторатот траеше речиси 6 месеци, спречувајќи ги вработените да примаат плати и здравствено осигурување, додека не се постигна Бадентер и усвојување на законот во собранието. ДУИ, и покрај тоа што претходно го одобри законот за реорганизација на Владата каде што беше предвидено инспекторатот да влезе во рамките на Министерството за правда, го држеше блокиран бидејќи оваа институција го загуби својот правен статус. Сепак, во новата изјава за медиумите, ВРЕДИ гарантира дека статусот на Агенцијата и Инспекторатот повторно ќе се промени во иднина, кон нивно подигнување на повисоко институционално ниво, вклучувајќи го и правото на изрекување парични казни.
„По стабилизирањето на оваа состојба, ВРЕДИ веднаш ќе отпочнат постапките за формирање на Агенција за имплементација на јазикот на повисоко институционално ниво, со цел Инспекторатот за јазици да биде приклучен кон оваа значајна институција. Усвоените амандмани, покрај овозможувањето на финансиското функционирање на Инспекторатот, вклучуваат и важен политички договор со кој на Инспекторатот за јазици му се дава право да изрекува парични казни, клучна надлежност за зголемување на ефикасноста и конкретното спроведување на Законот за употреба на јазиците”, рече Нурџан Асановска, ВРЕДИ.
Од ВРЕДИ велат дека ќе бидат посветени на унапредување на позицијата на албанскиот јазик, како и на гарантирање на еднакви јазични права за сите граѓани./Алсат.мк
