Апсолутен молк во ДУИ во врска со одлуката на Уставниот суд, со која беа укинати членовите според кои при последниот попис населението беше поделено на резиденти и нерезиденти
Апсолутен молк во ДУИ во врска со одлуката на Уставниот суд, со која беа укинати членовите според кои при последниот попис населението беше поделено на резиденти и нерезиденти
Апсолутен молк во ДУИ во врска со одлуката на Уставниот суд, со која беа укинати членовите според кои при последниот попис населението беше поделено на резиденти и нерезиденти. Наместо да се изјаснат за ова прашање, од ДУИ ги избегнуваат медиумите, додека разни истакнати претставници на интегралистите преку социјалните мрежи се обидуваат да ја оттргнат темата, користејќи спинови, зборувајќи за процентите, но не и за поделбата на населението или за бришењето на Албанците – како што владејачките партии ја обвинуваат ДУИ.
Првиот вицепремиер Изет Меџити, денес повторно ја обвини ДУИ дека избришала Албанци од градови и села, додавајќи дека додека се одвивал овој процес, ДУИ се занимавала со операции за збогатување и не покажала никаква грижа, а сега, според него, преку лажен патриотизам на Фејсбук, се обидуваат да ги одбранат своите лаги.
„Денес ќе ве информирам за националното предавство во регионот на Струга, поточно:
Во селото Ладожишт, според пописот од 2021 година, се евидентирани 1.344 жители над 18-годишна возраст, додека на изборите во 2024 година гласале 2.397 лица. Значи, гласале 1.000 луѓе повеќе од попишаните.
Во селото Велешта, се попишани 2.196 лица над 18 години, а гласале 2.377 – околу 200 повеќе од попишаните.
Исто така, во селото Ливади, бројот на гласови на изборите во 2024 е поголем од бројот на жители евидентирани во 2021 година“, рече Изет Меџити, прв вицепремиер.
Меџити вели дека со деструктивните политики, ДУИ освен што исели стотици илјади луѓе во странство, ги избришала и оние што останале во албанските подрачја.
„Само од овие три села од Струга, од пописот се ‘заборавени’ над 5.000 Албанци. Вкупниот број на избришани Албанци на републичко ниво ќе ве шокира, затоа викате! Затоа немате мир! Време е за одговорност за националните предавства – и одговорност ќе има!“, додаде тој.
Со одлуката на Уставниот суд се утврдува дека тогашниот директор на Државниот завод за статистика ја злоупотребил својата позиција и незаконски ја поделил популацијата на резиденти и нерезиденти. Одговорноста во овој случај ја сноси и заменик-директорот кадар на ДУИ, бидејќи резултатите од пописот, методологијата, како и другите акти, биле потпишани спогодбено или двојно./Алсат.мк
