Во понеделник, втор уписен рок за средно образование

Во понеделник, средните училишта кои имаат слободни места повторно ќе ги отворат вратите за полуматурантите кои не аплицирале за средно образование, како и за оние кои биле одбиени во одредени училишта при првото пријавување. Најмногу слободни места има во стручните училишта, со исклучок на медицинските. Во средното училиште „Димитар Влахов“ останале малку слободни места во насоките Фризер и Графички дизајн. Во меѓувреме, според раководството на училиштето, најмногу слободни места има во струките Техничар за храна и Преработувач на месо.

Advertisements

Образованието во насоките Техничар за храна и Преработувач на месо, меѓу другото, овозможува вработување и во царинските служби во земјата, каде што се увезува храна од други држави, како и во различни лаборатории каде што се анализира квалитетот на храната. Наставниот кадар оценува дека присуството на вакви техничари е неопходно на пазарот на трудот, земајќи ја предвид нивната моментална недостапност.

„Можат да работат и во помали простории, како во слаткарници, различни пекари. Иднината е во прехранбената индустрија. Прехранбената индустрија во последните пет децении доживеа огромен подем, и секојдневно се среќаваме со преработена или готова храна. Сите тие процедури поминуваат низ рацете на техничарите за храна. Нивното присуство е неопходно на пазарот на трудот, а во моментов имаме недостиг од ваков кадар“, рече Валбона Кадриу, наставничка.

Во првото пријавување, во средното училиште „Димитар Влахов“ аплицирале 174 полуматуранти. Според Министерството за образование, повеќе од 14.000 полуматуранти веќе аплицирале во средните училишта низ земјата, додека околу 17.000 полуматуранти го завршиле основното образование./Алсат.мк

Мелихате Рустеми